Sunday, July 08, 2007

Uwian

Tanaw na kita sa paglabas mo sa college building at papunta ka na dito. Ang ganda mo talaga, lalo na 'pag tumatawa ka kasama ang barkada mo. Teka, salubungin na kaya kita, mukhang mabigat ang mga dala mong libro. Hintayin nalang kitang makarating dito, pagmamasdan muna kita.

Malapit ka na... sampung hakbang... Nasa tabi na kita...

At nasa tabi ka na ng boyfriend mo...

Aalis na ko, ingat ka, mag-enjoy ka sana kasama niya. Tara pare, yosi tayo sa labas ng campus, ibuga mo nalang kasama ng usok yang nararamdaman mo para sa kanya.

Monday, June 25, 2007

Lagpas alas dose na, hindi na maganda si Cinderella

Lutang, absent minded, bad trip, malungkot, putang ina! gusto kong makipagsuntukan. Para akong pinagtripan ng isang daang tambay sa kanto, para akong binasted ng isang daang babae, para akong pinakaen pinaang longganisa at parang pinagduldulan yung mukha ko sa kili-kili ng babaeng may putok (turn off..syet), basta ayoko ng ganitong feeling. Ang masaklap pa hindi ko alam kung bakit ako nagkakaganito.

Dinadaan nalang sa pagyoyosi, paginom sa bote ng beer sa tabi ko ngayon, pakikinig sa ingay ng cpu fan ko at 'moo' ng mga bullfrog sa labas, pagtingala sabay sungkit ng kulangot tapos pitik! sapol!

Hindi sadyang napupunan ng mga bagay na 'to kapag magisa ako ang mga kakulangan ko sa buhay. Kakulangan ng self-esteem, kakulangan ng confidence, kakulangan ng height, at ang pinakabago, kakulangan ng thesis topic.

Dahil nga ba sa mga pagkukulang na 'to o hindi ko lang kasi nagagawan ng paraan. Aba malay ko, hindi ko nga alam kung bakit... kahit ano nalang. Mare-realize ko din kung ano ba dapat at kung ano ba talaga, sa ngayon, ako muna ay lutang, absent minded, bad trip at malungkot. Itutulog ko lang naman 'to, wala na 'to bukas.

"What are the telephone companies here in the Philippines?? ...Most of them are telephone companies."
-Amazing "A"


...Hiwaga at talinhaga pinagsama, amazeng! Recursive 'yung statement, paki-intindi nalang daw klasmeyts.

Peace Out!